Лінкі ўнівэрсальнага доступу

Лукашэнка ўхваліў кансэрвацыю мсьціслаўскага касьцёла, дзе абваліліся сьцены

абноўлена

Разбураная сьцяна касьцёла Сьвятога Міхала Арханёла ў Мсьціславе

Кіраўнік дзяржавы ўхваліў выдзяленьне грошай на рэалізацыю шасьці культурных праектаў, піша БелТА.

Грошы пойдуць на:

  • аднаўленьне радавой сядзібы Напалеона Орды ва ўрочышчы Чырвоны Двор на Берасьцейшчыне;
  • стварэньне экспазыцыі музэю беларускай маляванкі на базе музэю-запаведніка «Заслаўе»;
  • кансэрвацыю касьцёла ў Амсьціславе;
  • кансэрвацыю і фрагмэнтарную рэстаўрацыю замка ў Гальшанах;
  • рэстаўрацыю капліцы-пахаваньня князёў Паскевічаў у Гомлі;
  • рэстаўрацыю жывапісу XVIII–XIX стагодзьдзяў у Спаса-Праабражэнскай царкве ў Полацку.

У мсьціслаўскім касьцёле ўжо двойчы абвальваліся сьцены

У 268-гадовым касьцёле ў Амсьціславе ўжо двойчы абвальвалася сьцяна: у 2017 і 2019 годзе. Мясцовы жыхар Дзяніс Касьцюкевіч з 2016 году спрабаваў спыніць разбурэньне касьцёла, аднак Міністэрства культуры адказвала, што грошай няма.

Будынак касьцёла не эксплюатуецца з савецкіх часоў. На пачатку 1990-х гадоў аднавіць яго браліся рэстаўратары з Польшчы, але працаваць ім не далі.

Езуіцкі касьцёл Сьвятога Міхала Арханёла заклалі ў 1637 годзе. Узводзілі яго ў стылі віленскага барока. З 1842 году тут была праваслаўная царква Cьвятога Мікалая Цудатворцы. З 1925 году храм зачынены. Пасьля Другой усясьветнай вайны ў касьцёле быў Дом культуры. Пазьней у закінутай бажніцы мясцовая грамадзянская абарона ладзіла вучэньні. Калі пачалася кансэрвацыя, будынак схавалі за банэрнай сеткай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG