Лінкі ўнівэрсальнага доступу

Сустрэча Болтана і Лукашэнкі працягвалася 2 гадзіны 15 хвілінаў

абноўлена

Аляксандар Лукашэнка і Джон Болтан

2 гадзіны 15 хвілінаў працягвалася сустрэча Аляксандра Лукашэнкі з дарадцам прэзыдэнта Трампа па нацыянальнай бясьпецы.

Вітаючы Болтана, Аляксандар Лукашэнка сказаў:

«Нягледзячы на ўсю шуміху вакол вашай паездкі, тут шмат пазытыўнага, асабліва для Беларусі. Пазытыўнае ў тым, што мы ўвесь час з моманту пагаршэньня нашых стасункаў з ЗША прапаноўвалі загарнуць гэтую нядобрую старонку і пачаць нашыя стасункі з новай старонкі».

Аляксандар Лукашэнка назваў візыт гістарычным. І прапанаваў «шчыра і па-сяброўску» абмеркаваць усе пытаньні дачыненьняў паміж Беларусьсю і ЗША, «няхай яны будуць непрыемныя для Беларусі», — удакладніў Лукашэнка, абяцаючы, што ён будзе шчырым у ацэнцы пазыцыі ЗША.

«Гэта дазволіць стварыць базу на будучыню, якая павінна быць паміж намі», — сказаў Лукашэнка.

Джон Болтан
Джон Болтан

Болтан, адказваючы на вітальныя словы Аляксандра Лукашэнкі, падкрэсьліў, што для амэрыканскага боку важныя «пытаньні правоў чалавека, нераспаўсюджваньня зброі».

«Я згодны, што мы павінны быць шчырыя па гэтых тэмах і знойдзем супольную мову, — сказаў Болтан. — Гісторыя не стаіць на месцы. Прайшло шмат часу з моманту распаду СССР, геапалітычная сытуацыя зьмянілася і мяняецца нават падчас нашай размовы».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG