Раніцай 22 жніўня ракета «Союз-2.1а» пасьпяхова стартавала з касмадрому Байканур у Казахстане.
Карабель «Союз МС-14» мае прыстыкавацца да Міжнароднай касьмічнай станцыі раніцай 24 жніўня. На яго борце — робат пад назвай «Фёдар».
У час запуску робат «трымаў у руцэ» расейскі сьцяжок, агучыў покліч Юрыя Гагарына: «Паехалі!».
Расейскі чалавекападобны робат ляціць у космас упершыню. Але ягоны амэрыканскі «калега», чалавекападобны Robonaut 2, ужо быў на МКС у 2011 годзе.
«Фёдар» мае прабыць на МКС 17 дзён. Ягоныя асноўныя задачы — перадача тэлемэтрыі, вызначэньне парамэтраў бясьпекі палёту, у тым ліку перагрузак, а таксама правядзеньне экспэрымэнтаў па адпрацоўцы дзеяньняў у рэжыме капіяваньня, карысных на зьнешнім борце МКС.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў