Палата прадстаўнікоў 13 чэрвеня прыняла ў другім чытаньні папраўкі ў артыкул 328 Крымінальнага кодэксу. Мінімальны тэрмін пазбаўленьня волі за незаконнае абарачэньне наркотыкаў зьменшылі на 2 гады.
Зьмены прадугледжваюць зьмяншэньне мінімальнага пакараньня ў:
- 2-й частцы артыкулу — з 5 да 3 гадоў;
- 3-й частцы артыкулу — з 8 да 6 гадоў.
Максымальныя пакараньні ў трох частках арт. 328 засталіся ранейшымі – 5, 8 і 15 гадоў турмы.
Ці зьменшаць пакараньне для ўжо асуджаных паводле арт. 328, у кожнай крымінальнай справе будзе вырашаць суд.