У адзін зь менскіх офісаў тэлеканалу «Белсат» прыйшлі міліцыянты, ад 8:50 яны робяць ператрус. Сьледчы камітэт растлумачыў: гэта сьледчыя дзеяньні па справе за «паклёп».
Пад’езд дома, дзе знаходзіцца офіс «Белсату», ахоўвае міліцыянт, не прапускае нікога апрача жыхароў. Ён сказаў карэспандэнту Свабоды, што «праводзяцца сьледчыя дзеяньні».
Вядома, што ў пад’езд прайшоў супрацоўнік МНС зь пілой-баўгаркай. Паводле «Белсату», дзьверы ў офіс сьпілавалі. Пазьней высьветлілася, што дзьверы ўсё ж адчынілі, каб іх не пашкодзілі.
Як удакладняе Беларуская асацыяцыя журналістаў, на ператрус маецца пастанова Сьледчага камітэту.
Карэспандэнты Свабоды сочаць за разьвіцьцём сытуацыі зь месца падзеі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў