Лінкі ўнівэрсальнага доступу

Вярхоўны суд разгледзеў скаргу на прысуд у справе Коржыча


Абвінавачаныя Яўген Бараноўскі і Антон Вяжэвіч на судзе, 5 лістапада 2018 году

Рашэньне суду папярэдняй інстанцыі прызналі правільным і пакінулі бязь зьменаў.

9 красавіка Вярхоўны суд разгледзеў касацыйную скаргу на прысуд у справе аб сьмерці салдата тэрміновай службы Аляксандра Коржыча. Прысуд былым сяржантам вайсковай часткі ў барысаўскіх Печах пакінулі бязь зьменаў.

Справа аб сьмерці Коржыча разглядалася ў Маскоўскім судзе Менску з 8 жніўня па 5 кастрычніка 2018 году. Былых сяржантаў загінулага салдата прызналі вінаватымі ў давядзеньні да самагубства падначаленага, а таксама ў шматлікіх іншых парушэньнях па службе і прыгаварылі да вялікіх тэрмінаў зьняволеньня. Сяржант Вяжэвіч атрымаў 7 гадоў пазбаўленьня волі, Бараноўскі — 9, Скуратовіч — 6.

Абодва бакі працэсу выказалі незадаволенасьць прысудам.

Сьвятлана Коржыч
Сьвятлана Коржыч

Маці загінулага Сьвятлана Коржыч запатрабавала больш жорсткага пакараньня для абвінавачаных, а таксама суду над былымі афіцэрамі часткі, дзе служыў яе сын, у тым ліку над камандзірам аб’яднанага навучальнага цэнтру ў Печах палкоўнікам Чарнецкім.

Асуджаныя сяржанты Бараноўскі, Вяжэвіч і Скуратовіч сваю віну прызналі часткова і адмовіліся прызнаваць, што іхныя дзеяньні сталі прычынай сьмерці Аляксандра Коржыча.

Сьвятлана Коржыч мае намер абскарджваць прысуд у справе аб сьмерці сына ў інстанцыях ААН. 3 красавіка яна сустрэлася зь міністрам абароны Беларусі Андрэем Раўковым.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG