Лінкі ўнівэрсальнага доступу

Мінуў год. Менгарвыканкаму нагадалі пра згоду ўсталяваць «дошку БНР»


Надпіс на новай «дошцы БНР», архіўнае фота
Надпіс на новай «дошцы БНР», архіўнае фота

Прадстаўнікі апазыцыйных партыяў Беларусі накіравалі ў Менгарвыканкам зварот з просьбай дазволіць усталёўку памятнай дошкі на доме ў Менску, у якім была абвешчаная незалежнасьць Беларускай Народнай Рэспублікі, піша БелаПАН.

Як расказаў старшыня руху «За свабоду» Юрась Губарэвіч, ён, Мікалай Казлоў, Віталь Рымашэўскі і Ігар Барысаў — лідэры Аб’яднанай грамадзянскай партыі, «Беларускай хрысьціянскай дэмакратыі» і Беларускай сацыял-дэмакратычнай партыі (Грамада) — падалі зварот як фізычныя асобы.

Гісторыя з новай «дошкай БНР» цягнецца ўжо больш за год (а ўлічваючы першую «дошку БНР», цяпер усталяваную ў суседнім будынку з тым, дзе хочуць павесіць новую, дык 26 гадоў). Нягледзячы на папярэднюю згоду ўладаў, атрыманую 1 сакавіка 2019 году, афіцыйнага дазволу на ўсталёўку няма дагэтуль. Менскія ўлады спасылаюцца на нейкія «звароты грамадзянаў з нэгатыўным стаўленьнем да пытаньня».

Што важна ведаць пра «дошку БНР»

У сакавіку 2018 году кіраўніцтва Менгарвыканкаму дазволіла ўсталяваць мэмарыяльную дошку на вуліцы Валадарскага, 9. Менавіта тут 25 сакавіка 1918 годзе была абвешчаная незалежнасьць Беларускай Народнай Рэспублікі.

Дом, дзе была абвешчана Трэцяя Ўстаўная грамата БНР.
Дом, дзе была абвешчана Трэцяя Ўстаўная грамата БНР.

  • Шыльду зрабілі з бронзы на ўзор папярэдняй, якую скульптар Алесь Шатэрнік адліў з сплаву алюмінію і крэмнію яшчэ ў 1993 годзе. Надпіс на новай дошцы зроблены афіцыйным правапісам; такое было патрабаваньне ўладаў.
  • Грошы на новую шыльду сабралі талакой усяго за тры гадзіны.
  • Дошку плянавалі ўсталяваць напярэдадні 23 сакавіка, але не ўсталявалі цягам наступнага году.
  • 941 подпіс сабрала летась пэтыцыя за ўсталяваньне памятных знакаў на будынках зьвязаных з гісторыяй БНР.
  • Ініцыятар усталяваньня «дошкі БНР», старшыня Беларускага саюзу мастакоў Рыгор Сітніца сказаў, што больш займацца дошкай ня будзе, бо «ёсьць іншыя арганізацыі, каб падымаць гэтае пытаньне».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG