Лінкі ўнівэрсальнага доступу

Пуцін прыпыніў выкананьне Расеяй дамовы аб ракетах сярэдняй і меншай далёкасьці


Уладзімір Пуцін

Прэзыдэнт Расеі Ўладзімір Пуцін падпісаў указ аб прыпыненьні Расеяй выкананьня дамовы аб ліквідацыі ракет сярэдняй і меншай далёкасьці (РСМД), які быў падпісаны паміж СССР і ЗША. Аб гэтым паведамляе сайт Крамля.

Паводле ўказу, рашэньне было прынятае «у сувязі з парушэньнем Злучанымі Штатамі Амэрыкі сваіх абавязаньняў у дамове». Міністэрства замежных спраў Расеі мусіць паведаміць амэрыканскаму боку аб прынятым рашэньні. Указ аб прыпыненьні выкананьня дамовы ўступіў у сілу сёньня.

Раней генэральны сакратар NATO Енс Столтэнбэрг заявіў, што вайсковы альянс плянуе будучыню сьвету без дамовы РСМД. Кіраўнік альянсу заявіў, што ў Масквы ёсьць апошняя магчымасьць захаваць дамову. Ён заклікаў Расею скарыстацца гэтай магчымасьцю. Столтэнбэрг падкрэсьліў, што NATO не імкнецца да новай гонкі ўзбраеньняў і ня будзе разьмяшчаць у Эўропе новыя ядзерныя ракеты.

ЗША з 2 лютага пачалі працэдуру выхаду з дамовы РСМД. Дакумэнт быў падпісаны Рональдам Рэйганам і Міхаілам Гарбачовым у 1987 годзе. ЗША лічаць, што прынятая на ўзбраеньне расейскім войскам ракета 9М729 «Наватар» парушае ўмовы дамовы.

Што важна ведаць пра дамову аб ліквідацыі РСМД

ЗША 2 лютага пачалі выходзіць з Дамовы аб ліквідацыі РСМД. У адказ на гэта Ўладзімір Пуцін 2 лютага заявіў, што Расея прыпыняе ўдзел у дамове.

  • Вашынгтон сьцьвярджае, што Масква парушыла дамову аб РСМД, стварыўшы і разгарнуўшы ракетную сыстэму 9М729. Цяпер Расея валодае 100 такімі ракетамі.
  • Масква абвяргае ўсе абвінавачаньні, заяўляючы, што далёкасьць палёту ракеты 9М729 складае 480 кілямэтраў, што на 20 кілямэтраў менш за ніжнюю мяжу, вызначаную дамовай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG