Ва ўзросьце 88 гадоў памёр ляўрэат Нобэлеўскай прэміі па фізыцы Жарэс Алфёраў.
Фізык памёр у ноч на 2 сакавіка ў шпіталі Санкт-Пецярбургу, паведаміла «РИА Новости» жонка фізыка Тамара.
У апошнія месяцы інфармацыя пра стан здароўя Алфёрава была супярэчлівай. Вядома, што ў лістападзе ён патрапіў у шпіталь ці праз падазрэньне інсульту, ці праз гіпэртанічную хваробу.
Жарэс Алфёраў нарадзіўся ў 1930 годзе ў Віцебску. Ляўрэат Нобэлеўскай прэміі ў фізыцы (2000 г.) за разьвіцьцё паўправадніковых гітэраструктураў для высокахуткаснай оптаэлектронікі. Дэпутат Дзяржаўнай думы Расеі з 1995 году, віцэ-прэзыдэнт Расейскай акадэміі навук у 1991-2017 гадах.
Летась Украіна забараніла ўезд на сваю тэрыторыю Алфёраву, бо ён «наўмысна неаднаразова незаконна перасякаў дзяржаўную мяжу Ўкраіны пры ўезьдзе на акупаваную тэрыторыю Аўтаномнай Рэспублікі Крым».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў