Лінкі ўнівэрсальнага доступу

Расейскага падлетка, які ўчыніў страляніну ў школе, асудзілі на 7 гадоў


Заля суду.
Заля суду.

Суд у падмаскоўнай Іванцэеўцы прысудзіў да 7 гадоў і 3 месяцаў выхаваўчай калёніі падлетка, які ўчыніў страляніну ў мясцовай школе ўвосень 2017 году.

Школьнік павінен будзе выплаціць пацярпелым ад яго дзеяньняў больш за 2 мільёны расейскіх рублёў, паведамляе ТАСС.

Абвінавачваньне першапачаткова прасіла для падлетка 9 гадоў і 6 месяцаў пазбаўленьня волі, а пацярпелыя падалі грамадзянскія пазовы на суму звыш 4 мільёнаў рублёў. Суд задаволіў іх патрабаваньні часткова.

Страляніна ў школе ў Іванцэеўцы адбылася 5 верасьня 2017 году. Паведамлялася, што вучань пранёс у школу пнэўматычную вінтоўку і адкрыў зь яе агонь па аднагодкам і настаўнікам. Ён таксама ўдарыў выкладчыцу інфарматыкі кухоннай сякеркай, у выніку чаго яна была шпіталізавана з траўмай галавы. Яшчэ трое вучняў атрымалі траўмы, калі выскачылі з вокнаў, спалохаўшыся страляніны.

Па дадзеных СМІ, у школьніка быў даўні канфлікт з выкладчыкам і некалькімі аднагодкамі, якія зьдзекаваліся зь яго з прычыны вонкавага выгляду і манеры апранацца. Дырэктар школы сьцьвярджала, што вучань не канфліктаваў з настаўнікамі і не знаходзіўся на ўліку. Яна таксама адмаўляла, што іншыя навучэнцы распавядалі ёй пра заплянаваны напад.

Паведамлялася, што нападнік «натхніўся» дзеяньнямі дваіх навучэнцаў амэрыканскай школы «Калумбайн», якія ў красавіку 1999 гады забілі 13 чалавек. Прэзыдэнт Расеі Ўладзімір Пуцін у сьнежні 2018 году падпісаў закон, які дазваляе блякаваць без рашэньня суду «групы сьмерці» і «калумбайн-супольнасьці» у сацыяльных сетках і інтэрнэце.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG