Лінкі ўнівэрсальнага доступу

Кіраўнік МЗС Украіны: «Будучыня Беларусі — эўрапейская»


Паўло Клімкін
Паўло Клімкін

Міністар замежных спраў Украіны Паўло Клімкін заявіў, што Ўкраіна зацікаўленая ў незалежнасьці Беларусі і гатовая дапамагаць тым сілам, якія адстойваюць сувэрэнітэт краіны.

«Мы не ўплываем на Беларусь. Гэта незалежная краіна. Ёсьць прынцыпы міжнароднага права. Канечне, для нас вельмі важна, каб Расея не атрымала, я так акуратна скажу, кантрольны пакет акцый у Малдове і Беларусі, каб яна ў прынцыпе не атрымала наўпроставае ці апасродкаванае кіраваньне, а яна хоча гэта зрабіць — гэта ўсім цудоўна зразумела», — заявіў Паўло Клімкін 18 студзеня на прэсавай канфэрэнцыі ў Кіеве, камэнтуючы «інтэграцыйны» канфлікт між Беларусьсю і Расеяй.

Паводле ягоных слоў, украінскі бок спрабуе заахвоціць сваіх эўрапейскіх партнэраў дадаткова падтрымаць двух найбліжэйшых суседзяў — Малдову і Беларусь:

«Мы працуем там, дзе можам. І, канечне, палітычна там, дзе можам акумуляваць падтрымку нашых эўрапейскіх і іншых партнэраў для Беларусі, для сапраўднай незалежнай Беларусі».

«Я асабіста мяркую, што будучыня Беларусі — гэта эўрапейская будучыня, у яе мінулае эўрапейскае і будучыня таксама эўрапейская, — сказаў Клімкін. — Калі гэта будзе — заўтра ці пасьлязаўтра, я не хачу спэкуляваць, але тым ня менш. Але мы, я зноў так акуратна скажу, сочым вельмі пільна за сытуацыяй, і я вас пераконваю — гэта мы робім штодня. І тое, што мы шукаем магчымасьці, звычайна ў рамках міжнароднага права, як цывілізаваная краіна, адданая дэмакратычным каштоўнасьцям, дапамагчы тым сілам, якія бачаць Малдову і Беларусь незалежнымі краінамі, якія бачаць іх будучыню ў Эўропе, — гэта безумоўна, але выключна ў рамках міжнароднага права», — падкрэсьліў Паўло Клімкін.

Што важна ведаць пра расейскі падатковы манэўр

Нафтавы падатковы манэўр у Расеі — паступовая замена спагнаньня экспартнага мыта падаткам на здабычу карысных выкапняў (ПЗКВ). Экспартнае мыта будзе зьмяншацца адначасова з павелічэньнем ПЗКВ.

  • Расея пачала рэалізацыю падатковага манэўра зь 2019 году.
  • Да канца 2018 году экспарт сырой нафты ў Расеі абкладаўся экспартным мытам у памеры 30% ад цаны. Мыта не спаганялася з паставак на ўнутрырасейскі рынак і ў межах квоты ў Беларусь.
  • У 2017-2018 гадах квота на пастаўкі бязмытнай расейскай нафты для Беларусі складала 24 млн тон (18 млн тон перапрацоўвалі беларускаія НПЗ, 6 млн тон ішлі на рээкспарт).
  • Беларусь мела права абкладаць экспартным мытам свае нафтапрадукты, вырабленыя з расейскай бязмытнай нафты, якія прадавала ў трэція краіны. Беларускае мыта ішло ў беларускі бюджэт.

Страты і кампэнсацыя

  • У сьнежні 2018 г. у адміністрацыі Лукашэнкі сьцьвярджалі, што за 3 апошнія гады Беларусь недаатрымала $3,6 млрд, а за наступныя 4 гады недаатрымае $11 млрд пры найгоршым разьвіцьці падзей.
  • Паводле падлікаў рэйтынгавага агенцтва Fitch, наўпроставыя страты беларускай эканомікі складуць $10,6 млрд цягам 2019–2024 гг.
  • Дырэктар дасьледніцкага цэнтру ІПМ Аляксандар Чубрык падлічыў, што страты для бюджэту Беларусі ў 2019 годзе склалі $272,3 млн. ​
  • У кастрычніку 2018 Расея абяцала пералічыць у бюджэт Беларусі каля $405 млн у якасьці аплаты экспартнага мыта за нафту. Пазьней у кампэнсацыі адмовілі.
  • 18 сьнежня 2019 расейскі партал РБК паведаміў са спасылкай на свае крыніцы, што Расея кампэнсуе Беларусі страты ад манэўра праз зваротны акцыз для беларускіх НПЗ. Суму субсыдыяў ацанілі ў $1,5 млрд. Афіцыйнага пацьвярджэньня гэтай інфармацыі не было.

Кароткая гісторыя нафтагазавых канфліктаў Беларусі і Расеі

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG