Лінкі ўнівэрсальнага доступу

Амбасадар Расеі Бабіч: Нам выгадна, калі Беларусь знойдзе альтэрнатыўных пастаўшчыкоў нафты


Міхаіл Бабіч, амбасадар Расеі ў Беларусі

Паводле расейскага амбасадара Міхаіла Бабіча, калі Беларусь знойдзе альтэрнатыўных пастаўшчыкоў, то Расея зможа прадаць лішкі нафты і атрымаць дадатковы даход у бюджэт, перадае словы Бабіча Interfax.by.

«Што тычыцца альтэрнатывы, па якой пастаўлена задача прэзыдэнтам Беларусі (знайсьці альтэрнатыўнага пастаўшчыка нафты для заводаў краіны), то адказ, магчыма будзе нечаканым. Калі Беларусі ўдасца выканаць даручэньне свайго прэзыдэнта, то мы, безумоўна, будзем гэтаму толькі рады. Рады чаму? Калі нашы партнэры знойдуць нафту таньнейшая за расейскую, яны больш заробяць — і мы не можам гэтаму ня цешыцца», — сказаў Бабіч.

Пра пастаўку нафты з альтэрнатыўных крыніц Аляксандар Лукашэнка заявіў на нарадзе аб сацыяльна-эканамічным разьвіцьці 10 студзеня. Гэта будзе магчыма пасьля мадэрнізацыі двух беларускіх нафтаперапрацоўчых заводаў.

Што важна ведаць пра расейскі падатковы манэўр

Нафтавы падатковы манэўр — зьмена спагнаньня экспартнага мыта на падатак на здабычу карысных выкапняў (ПЗКВ). Экспартнае мыта будзе зьмяншацца адначасова з павелічэньнем ПЗКВ.

  • Раней і да канца 2018 году ў Расеі экспарт сырой нафты абкладаўся экспартным мытам у памеры 30% ад цаны.
  • Мыта не спаганялася зь паставак у Беларусь на 18-20 мільёнаў тон у год.
  • Беларусь мела права абкладаць экспартным мытам свае нафтапрадукты, вырабленыя з расейскай бязмытнай нафты, якія прадавала ў трэція краіны. Беларускае мыта ішло ў беларускі бюджэт.

Страты і кампэнсацыя

  • У адміністрацыі Лукашэнкі сьцьвярджалі, што за 3 апошнія гады Беларусь недаатрымала 3 мільярды 600 мільёнаў даляраў, а за наступныя 4 гады недаатрымае 11 мільярдаў пры найгоршым разьвіцьці падзей.
  • Міністар фінансаў Беларусі Максім Ермаловіч казаў, што агульныя страты ад падатковага манэўру ацэньваюцца ў 8–12 млрд даляраў.
  • Віцэ-прэмʼер Беларусі Ігар Ляшэнка заявіў, што Беларусь разьлічвала на кампэнсацыю каля 310–315 мільёнаў даляраў.
  • У якасьці аплаты экспартнага мыта за нафту Расея абяцала пералічыць у бюджэт Беларусі каля 405 млн даляраў. Пазьней у кампэнсацыі адмовілі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG