Лінкі ўнівэрсальнага доступу

Экс-кандыдат у прэзыдэнты ад рэспубліканцаў: Трамп «не дарос» да ролі прэзыдэнта


Былы кандыдат у прэзыдэнты ад Рэспубліканскай партыі Міт Ромні.

Былы кандыдат у прэзыдэнты ад Рэспубліканскай партыі Міт Ромні, абраны ў Сэнат ад штату Юта, выступіў з рэзкай крытыкай прэзыдэнта ЗША Дональда Трампа, заявіўшы, што дзеяньні амэрыканскага лідэра выклікаюць трывогу ва ўсім сьвеце, паведамляе Голас Амэрыкі.

У артыкуле, апублікаваным у Washington Post у аўторак увечары, Ромні раскрытыкаваў некалькі сьнежаньскіх рашэньняў Трампа.

«Прызначэньне на высокапастаўленыя пазыцыі людзей зь меншым вопытам, адмова ад саюзьнікаў, які ваююць разам з намі, а таксама бяздумныя заявы прэзыдэнта аб тым, што Амэрыка доўгі час была "разявакам" ў сусьветных справах — усё гэта добра характарызуе яго прэзыдэнцтва», — напісаў ён.

Ён дадаў, што «слова і справы Трампа выклікаюць трывогу ва ўсім сьвеце».

Белы дом пакуль не адрэагаваў на просьбу аб камэнтары.

Ромні выказаў здагадку, што, у «агульным і цэлым, паводзіны Трампа за апошнія два гады сьведчыць аб тым, што прэзыдэнт не дарос да таго, каб выконваць тую ролю, якую прадугледжвае гэтая пасада».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG