Як падае Telegram-канал Сьледчага камітэту Беларусі, аварыя адбылася на аўтадарозе Жлобін — Рагачоў паблізу вёскі Лучын.
Папярэдне высьветлена, што кіроўца аўтамабіля «Нісан» на закругленьні дарогі выехаў на паласу сустрэчнага руху, дзе сутыкнуўся з аўтамабілем «Аўдзі».
У выніку ДТЗ тры жанчыны, пасажыркі аўтамабіля «Нісан», загінулі на месцы.
Сьледча-апэратыўная група працуе на месцы здарэньня. Туды ж для практычнай дапамогі прыбылі супрацоўнікі абласнога ўпраўленьня Сьледчага камітэту.