У выніку ДТЗ пяць пасажырак мікрааўтобуса памерлі на месцы здарэньня, кіроўца мікрааўтобуса дастаўлены ў рэанімацыю, паведамляе Сьледчы камітэт у сацыяльных сетках.
14 лістапада каля 10:55 на 176-м кілямэтры трасы М10 (мяжа Расейскай Фэдэрацыі — Гомель — Кобрынь) мікрааўтобус «Фольксваген» выехаў на паласу сустрэчнага руху, дзе сутыкнуўся з малакавозам.
На месцы аварыі працуе сьледчая апэратыўная група, туды ж выехаў начальнік УСК Гомельскай вобласьці для каардынацыі работы.
