Лінкі ўнівэрсальнага доступу

Галоўнаму рэдактару Tut.by выставілі абвінавачаньне ў «бязьдзейнасьці адказнай асобы»


Марына Золатава каля Сьледчага камітэту 22 лістапада

Па гэтым артыкуле Марыне Золатавай могуць прысудзіць як штраф, так і 5 гадоў пазбаўленьня волі.

Сьледчы камітэт 22 лістапада выставіў абвінавачаньне галоўнаму рэдактару tut.by Марыне Золатавай па другой частцы 425 артыкула крымінальнага кодэксу (бязьдзейнасьць адказнай асобы).

Санкцыя па гэтым артыкуле — ад штрафу да 5 гадоў пазбаўленьня волі. Таксама Марына Золатава ў «справе БелТА» праходзіла па артыкуле «несанкцыянаваны доступ да кампутарнай інфармацыі», паведамляе tut.by. Па гэтым артыкуле праходзяць усе іншыя фігуранты «справы БелТА». Але гэтае абвінавачваньне ў дачыненьні да яе было зьнятае ў сувязі зь «незьдзяйсьненьнем злачынства».

Такім чынам, усім 15 фігурантам «справы БелТА» на сёньня прадʼяўленыя абвінавачваньні. Крымінальны перасьлед карэспандэнта Deutsche Welle ў Беларусі Паўлюка Быкоўскага і галоўнага рэдактара realt.by Уладзіслава Кулецкага спынены. Іх справы цяпер пераведзеныя ў адміністратыўныя.

Паводле Сьледчага камітэту Беларусі, 15 журналістаў недзяржаўных мэдыя былі абвінавачаныя па крымінальнай справе за несанкцыянаваны доступ да кампутэрнай інфармацыі. Падставай для завядзеньня справы паслужыла паведамленьне БелТА пра збоі ў кліентаў пры доступе да платнай падпіскі на паслугі.

«Справа БелТА». Што важна ведаць

Што адбылося. Раніцай 7 жніўня супрацоўнікі Сьледчага камітэту прыйшлі зь ператрусамі ў офісы інтэрнэт-парталу Tut.by і інфармацыйнага агенцтва БелаПАН, а таксама ў кватэры журналістаў гэтых кампаній.

Сьледчыя падчас вобшуку ў офісе Tut.by
Сьледчыя падчас вобшуку ў офісе Tut.by

  • Сьледчы камітэт завёў крымінальную справу за несанкцыянаваны доступ да кампутарнай інфармацыі — платнай падпіскі БелТА (ч. 2 арт. 349 КК).
  • 7–9 жніўня затрымалі 18 журналістаў. Іх вызвалялі пасьля допыту. Пазьней сьледчы камітэт паведаміў, што ў справе 15 фігурантаў.
  • Ператрусы таксама прайшлі ў офісах Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • У лістападзе абвінавачаным выставілі сумы для кампэнсацыі ад 3000 да 17 000 рублёў.
  • Галоўнай рэдактарцы Tut.by Марыне Золатавай выставілі абвінавачаньне ў бязьдзейнасьці адказнай асобы (ч.2 арт. 425 КК — да 5 гадоў зьняволеньня і забарона займаць пэўныя пасады ці займацца пэўнай дзейнасьцю).
  • Да канца лістапада крымінальныя справы супраць 14 абвінавачаных спынілі, бо яны сплацілі шкоду і штраф. Пад крымінальным перасьледам застаўся толькі адзін фігурант — Марына Золатава.

Чым унікальная «справа БелТА». Пяць момантаў

Прадстаўляліся суседзямі, адключалі тэлефоны. Як сьледчыя затрымлівалі журналістаў Tut.by

5 пытаньняў рэдактаркі Tut.by Калтыгінай да Сьледчага камітэту

Мадона, янот і Анджэліна Джалі: заходнія агенцтвы кажуць, што БелТА бярэ здымкі без дазволу

«Людзі, прыдуць хутка і па вас». Сьвятлана Алексіевіч падтрымала журналістаў са «справы БелТА»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG