Расейскі апазыцыянэр Аляксей Навальны раніцай 14 кастрычніка выйшаў на свабоду пасьля 50 сутак арышту.
«За тыя 50 дзён, што я тут сядзеў, мы пабачылі яшчэ шмат доказаў таго, што гэты рэжым канчаткова дэградаваў: ад правалаў у зьнешняй выведцы да правалаў у касьмічнай галіне», — адзначыў Навальны пасьля вызваленьня.
Першы тэрмін у 30 сутак Навальны атрымаў за акцыю «Забастоўка выбарцаў», якая прайшла сёлета ў студзені.
Пасьля адбыцьця гэтага тэрміну 24 верасьня яго зноў затрымалі адразу ж на выхадзе з спэцпрыёмніка. Паводле новага абвінавачаньня ў «парушэньні парадку правядзеньня публічнага мерапрыемства» яго асудзілі яшчэ на 20 сутак арышту.
