Моладзь БНФ 25 верасьня ўзначаліў барысавец Дзяніс Мандзік. За яго прагаласавалі 2/3 сяброў рады арганізацыі.
Мандзік прыйшоў у Моладзь БНФ у 2015 годзе, да абраньня старшынём ён быў намесьнікам кіраўніка арганізацыі.
Папярэдніца Мандзіка Гана Сьмілевіч узначальвала арганізацыю 9 месяцаў, у час кіраваньня Моладзьдзю БНФ яе адлічылі з БДУ.
Апэратыўна зьвязацца з Мандзікам і Сьмілевіч не ўдалося. Як адзначае vk-суполка Моладзі БНФ у камэнтарах, Сьмілевіч на новы тэрмін не балятавалася, але застанецца працаваць у Радзе арганізацыі.