Лінкі ўнівэрсальнага доступу

Трамп ізноў пагражаў выхадам ЗША з Усясьветнай гандлёвай арганізацыі


Дональд Трамп, архіўнае фота

Трамп зьвярнуў увагу на тое, што ЗША рэгулярна прайграюць спрэчкі ў рамках WTO.

Прэзыдэнт Злучаных Штатаў Дональд Трамп сказаў, што ЗША выйдуць з WTO (Усясьветнай гандлёвай арганізацыі), калі апошняя ня стане лепш ставіцца да ЗША. Пра гэта Трамп заявіў у інтэрвію Bloomberg.

«Калі WTO ня зьменіцца — я выйду з арганізацыі», — сказаў Трамп.

Паводле яго, устаноўчае пагадненьне WTO была «найгоршаю гандлёваю дамоваю сярод калі-небудзь заключаных». Ён адзначыў: ЗША рэгулярна прайграюць спрэчкі ў межах арганізацыі.

«Толькі летась мы пачалі шмат выйграваць. Ведаеце, чаму? Бо яны ведаюць, што ў выпадку нашага пройгрышу я пакіну арганізацыю», — падкрэсьліў Трамп.

Bloomberg адзначае, што выхад ЗША з WTO «сур’ёзна падарве шматбаковую гандлёвую сыстэму, якая сфармавалася пасьля Другой усясьветнай вайны пры спрыяньні ЗША».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG