Лінкі ўнівэрсальнага доступу

«Звольненыя» Лукашэнкам міністры прамысловасьці і будаўніцтва засталіся на працы


Аляксандар Лукашэнка ў час нарады аб ходзе выкананьня даручэнняў па комплексным разьвіцьці Аршанскага раёну, 14 жніўня

Абноўлена: Увечары Лукашэнка ўсё ж звольніў двух міністраў за «невыкананьне ягоных даручэньняў»

Тым часам у Беларусі тры з паловай месяцы няма міністра энэргетыкі, пасьля таго як у траўні быў звольнены з гэтай пасады Ўладзімер Патупчык.

У прыёмных міністра прамысловасьці Віталя Воўка і міністра архітэктуры і будаўніцтва Анатоля Чорнага паведамілі Naviny.by, што яны застаюцца на сваіх месцах. Па стане на раніцу 16 жніўня яны ж пазначаныя кіраўнікамі і на сайтах міністэрстваў. Указы аб іхнай адстаўцы на дадзены момант не апублікаваныя.

«Воўка, Чорнага неадкладна накіраваць у адстаўку», — загадаў Аляксандар Лукашэнка 14 жніўня на нарадзе ў Воршы. Да таго Лукашэнка пагражаў Воўку турмой або накіраваньнем на завод.

Лукашэнка таксама даручаў 14 жніўня знайсьці новага кіраўніка для Аршанскага раёну — яго знайшлі ўжо на наступны дзень, раён узначаліў Ігар Ісачанка, які да таго быў намесьнікам старшыні камітэту архітэктуры і будаўніцтва Віцебскага аблвыканкаму.

За «поўную службовую неадпаведнасьць» Лукашэнка абвясьціў строгія вымовы кіраўніку Віцебскай вобласьці Мікалаю Шарстнёву, старшыню Вайскова-прамысловага камітэту Алегу Дзьвігалёву і дзяржаўнаму сакратару Рады бясьпекі Станіславу Засю. Але «поўная службовая неадпаведнасьць» ня ёсьць абавязковай падставай для адстаўкі.

А міністар энэргетыкі будзе?

У звароце да дэпутатаў Палаты прадстаўнікоў і народу 24 красавіка Лукашэнка абураўся працай Мінэнэрга, пасьля чаго ў міністэрстве паведамілі пра звальненьне генэральнага дырэктара канцэрну «Белэнэрга» Яўгена Воранава.

Міністар энэргетыкі Беларусі Ўладзімер Патупчык вызвалены ад пасады 2 траўня за стварэньне незаконнага сямейнага бізнэсу. Як казаў старшыня КДБ, пры падтрымцы былога міністра быў арганізаваны бізнэс па пастаўках будматэрыялаў па завышаных цэнах. Новага міністра не прызначаюць ужо тры з паловай месяцы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG