Лінкі ўнівэрсальнага доступу

Альбо турма, альбо на завод — Лукашэнка прыгразіў міністру прамысловасьці


Аляксандар Лукашэнка

Аляксандар Лукашэнка скрытыкаваў працу органаў улады і кіраўніцтва Аршанскага інструмэнтальнага заводу.

Як паведамляе афіцыйнае агенцтва БелТА, Лукашэнка заявіў кіраўніку заводу Ўладзіславу Бардзюкову:

«Ня любіце вы людзей, ня любіце вы завод. Калі ўжо робіце тут нейкую паказуху, зрабіце бардзюр, але навошта ў траву класьці асфальт? Гэта што, культура? Вось за гэта чыноўнікаў і ненавідзіць часам народ — за вашу бесталковасьць і бязладзьдзе».

Далей Лукашэнка згадаў міністра прамысловасьці Віталя Ваўка.

«Хутчэй за ўсё, міністра сюды накіруем да цябе працаваць. У яго выбар адзін: альбо турма, альбо сюды — публічна пра гэта кажу. Пакуль двойка зь мінусам, і да цябе прэтэнзій мора. Ніколі не займайся ашуканствам. Ты малады кіраўнік. Ты тут галоўны. Ня дай бог, я перад новым годам прыеду і маё вока ўчэпіцца недзе за нешта. Ты ведаеш, што будзе», — сказаў Лукашэнка.

Аршанскі інструмэнтальны завод спэцыялізуецца на выпуску рэжучага, дапаможнага і вымяральнага інструмэнту, задавальняе патрэбы машынабудаўнічых прадпрыемстваў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG