Лінкі ўнівэрсальнага доступу

ЗША не прызнаюць анэксіі Крыму Расеяй, — кіраўнік Дзярждэпартамэнту Пампэо


Майк Пампэо, архіўнае фота
Майк Пампэо, архіўнае фота

Кіраўнік Дзяржаўнага дэпартамэнту падкрэсьліў, што ЗША заклікаюць Маскву спыніць незаконную акупацыю паўвострава.

ЗША адмаўляюцца прызнаць прэтэнзіі Крамля на Крым, які належыць Украіне, заявіў у сераду дзяржсакратар ЗША Майк Пампэо. Штаты заклікаюць Расею пакласьці канец акупацыі Крыму, падкрэсьліў кіраўнік Дзярждэпартамэнту.

Гэтая заява кіраўніка амэрыканскай дыпляматыі прагучала напярэдадні слуханьняў у сэнацкім камітэце ў міжнародных справах, на якіх Пампэо адкажа на пытаньні заканадаўцаў пра саміт у Хэльсынкі, а таксама пра сустрэчу Трампа і паўночнакарэйскага лідэра Кім Чэн Ына, якая прайшла 12 чэрвеня ў Сынгапуры.

Як адзначаецца ў заяве дзяржсакратара ЗША, захапіўшы Крым у 2014 годзе, Расея «імкнулася падарваць асновы міжнароднага прынцыпу, які падзяляюць дэмакратычня дзяржавы: ніводная краіна ня можа зьмяняць межы іншай, ужываючы сілу».

«Дзяржавы ўсяго сьвету, у тым ліку Расея, пагадзіліся з гэтым прынцыпам, занесеным у Статут ААН, паабяцаўшы ўстрымлівацца ад пагрозы або выкарыстаньня сілы супраць тэрытарыяльнай цэласнасьці або палітычнай незалежнасьці любой дзяржавы», — нагадаў Пампэо.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG