Лінкі ўнівэрсальнага доступу

Мінінфарм заблякаваў 12 «наркатычных» сайтаў


Ілюстрацыйнае фота
Ілюстрацыйнае фота

Міністэрства інфармацыі Беларусі паведаміла 13 ліпеня пра абмежаваньне доступу да 12 сайтаў.​

Прычына блякіроўкі: «распаўсюд інфармацыі аб продажы наркатычных сродкаў».

У Мінінфарме адмовіліся камэнтаваць Радыё Свабода, пра якія менавіта сайты вядзецца гаворка і калі яны былі заблякаваныя.

Што важна ведаць пра блякіроўку “наркатычных” сайтаў

  • 8 траўня Мінінфарм закрыў доступ да сайту legalize.by на падставе апавяшчэньня з МУС. Прычынай блякаваньня называюць прапаганду марыхуаны. Сайт напаўняўся ангельскамоўнымі матэрыяламі пра дзейнасьць кампаніі за дэкрыміналізацыю марыхуаны і кантраляваных рэчываў Legalize Belarus.
  • Таксама ў траўні заблякавалі сайты, якія знаходзіліся на адным IP-адрасе з сайтам legalize.by. Сярод іх — сайт пра беларускую мову на спажывецкім рынку і сайт руху «Дзея», распрацоўка якога на момант блякіроўкі яшчэ вялася.
  • Мінінфарм пацьвердзіў блякіроўку сайтаў, якія знаходзіліся на адным IP-адрасе з legalize.by, спаслаўшыся на МУС. Там заявілі, што ня маюць інфармацыі пра іншыя заблякаваныя інтэрнэт-рэсурсы.

19 красавіка кіраўнік МУС Ігар Шуневіч заявіў, што ягонае ведамства не вітае паслабленьня адказнасьці па «наркатычных» артыкулах, у тым ліку для спажыўцоў наркотыкаў.

Паводле закону аб СМІ, блякававаньне доступу да рэсурсаў ажыцьцяўляецца ў пазасудовым парадку. Аднавіць доступ можна праз зварот у Мінінфарм, які разглядаюць цягам месяца.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG