Лінкі ўнівэрсальнага доступу

З расейскага ТВ звольнілі рэдактара, празь якога ў перадачы скарысталі фота зьніклага Максіма Мархалюка


Пошукі Максіма Мархалюка, архіўнае фота

На тэлеканале «Мір», які зьяўляецца міждзяржаўнай тэлекампаніяй краінаў СНД, у перадачы «Дела семейные» 6 чэрвеня паказалі фота зьніклага ў Беларусі 11-гадовага Максіма Мархалюка. Але, паводле сюжэту, гэта быў нібыта сын адной з гераіняў перадачы, муж якой шукаў сапраўднага бацьку дзіцяці.

На момант публікацыі відэа перадачы выдаленае з публічнага доступу.

Выканаўчая прадусарка перадачы «Дела семейные» Алена Гойнінген-Гюне ў заяве на сайце кампаніі «Мір» выказала жаль адносна інцыдэнту і выбачылася. Паводле яе, праз халатнасьць прадусара «быў прадэманстраваны фатаздымак зьніклага Максіма Мархалюка з агульнадаступнай пошукавай сыстэмы». Рэдактара, які зрабіў гэтую памылку, звольнілі, сьцьвярджае прадусар.

Яна дадала, што тэлеканал «Мір» ня сам вырабляе перадачу і «не нясе адказнасьці» за тое, што адбылося — адказвае за гэта ААТ «Система».

На момант публікацыі няма зьвестак пра тое, дзе знаходзіцца Максім Мархалюк, які 16 верасьня мінулага году сышоў з дому ў Сьвіслацкім раёне. Хлопца шукалі і праваахоўнікі, і ратаўнікі, і тысячы валянтэраў, некалькі тысяч чалавек былі апытаныя ў рамках крымінальнай вэрсіі, сьледчыя дзеяньні працягваюцца.

Хто шукаў Максіма Мархалюка ў пушчы
пачакайце

No media source currently available

0:00 0:02:41 0:00

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG