Лінкі ўнівэрсальнага доступу

У Менску прайшоў Чарнобыльскі шлях — 2018. ФОТА, ВІДЭА

У Менску праходзіць Чарнобыльскі шлях — штогадовая акцыя ў памяць аб ахвярах аварыі на ЧАЭС і яе наступствах.

У 32-ю гадавіну чарнобыльскай катастрофы ў Менску прайшоў Чарнобыльскі шлях — штогадовая акцыя ў памяць аб ахвярах аварыі на ЧАЭС і яе наступстваў. Сёлетняя акцыя пачала кампанію супраць будаўніцтва Беларускай АЭС: штомесяц у гарадах Беларусі будзе праходзіць «Астравецкі шлях».

Чарнобыльскі шлях-2018 быў дазволены менскімі ўладамі. ​А 18-й гадзіне ўдзельнікі акцыі сабраліся на пляцоўцы каля кінатэатру «Кастрычнік», адтуль шэсьце рушыла да чарнобыльскай капліцы (храма ў гонар абраза Божай Маці «Адшуканьне згінулых») у парку Дружбы народаў, ля якой адбыўся мітынг. Адначасова з Чарнобыльскім шляхам у Кіеўскім сквэры, які недалёка ад храма, прайшоў мітынг КХП БНФ.​

26 красавіка 1986 году здарылася аварыя на Чарнобыльскай атамнай электрастанцыі — выбухнуў чацьвёрты блёк чарнобыльскага рэактара. Аварыя на Чарнобыльскай АЭС лічыцца самай вялікай тэхнагеннай катастрофай XX стагодзьдзя.

22:13 26.4.2018

Як паведамляе праваабарончы цэнтар «Вясна», на момант пачатку руху калёны ад кінатэатру Кастрычнік да чарнобыльскай капліцы ў Парку дружбы народаў незалежныя назіральнікі налічылі 430 удзельнікаў акцыі.

20:38 26.4.2018

Мітынг ля чарнобыльскай капліцы ў парку Дружбы народаў завершаны. Удзельнікі Чарнобыльскага шляху разыходзяцца.

20:24 26.4.2018

20:22 26.4.2018

Ліквідатар чарнобыльскай трагедыі ў Нароўлі Іван Віткоўскі распавёў, што да аварыі 2 гады працаваў на чацьвёртым энэргаблёку АЭС.

«Я сюды ніколі не прыяжджаў, проста разумееце крыўда такая. На чацьвёртым энэргаблёку мы рабілі тое, каб не рэактар намі кіраваў, а каб мы ім маглі кіраваць: каб людзі думалі ці хаваць рэактар, ці аднаўляць станцыю».

Ліквідатар кажа, што пры савецкай уладзе карыстаўся ільготамі, пасьля чарнобыльскія ільготы пачалі скарачаць. У выніку ў Віткоўскага забралі статус ліквідатара аварыі на ЧАЭС і надалі статус пацярпелага.

20:21 26.4.2018

20:17 26.4.2018

Гадавіна Чарнобыля ў Магілёве. Улада не згадала будаўніцтва АЭС. Апазыцыя: Пра трагедыю забываюць

20:15 26.4.2018

Павал Севярынец абвясьціў пачатак «Астравецкага шляху»

«26 красавіка — Менск, 26 траўня — Заслаўе, 26 чэрвеня — Радашковічы, 26 ліпеня — Маладэчна, 26 жніўня — Вілейка, 26 верасьня — Смаргонь, 26 кастрычніка — Ашмяны, 26 лістапада — Астравец. Да таго часу, калі расейскія пастаўшчыкі зьбіраюцца завезьці ядзернае паліва ў Астравец, пройдуць акцыі, мітынгі, пікеты і масавы збор подпісаў за спыненьня будаўніцтва Беларускай АЭС», — сказаў Севярынец.

20:11 26.4.2018

Сьветлагорская міліцыя раніцай 26 красавіка затрымала праціўнікаў будаўніцтва ў горадзе заводу беленай цэлюлёзы, якія зьбіраліся ехаць у Менску для ўдзелу ў Чарнобыльскім шляху, заявіў Павел Севярынец. Зварот сяброў ініцыятыўнай групы зачыталі падчас мітынгу.

19:52 26.4.2018

Прадстаўніца «Маці 328»: Ад заўтра мы пачынаем бестэрміновую галадоўку

Патрабаваньні ўдзельнікаў галадоўкі:

1. Сустрэча з Аляксандрам Лукашэнкам.

2. Стварэньне камісіі аб пераглядзе справаў паводле крымінальнага артыкулу 328 пачынаючы з 2013 году.

3. Зьмена заканадаўства адносна артыкула 328 Крымінальнага кодэксу.

4. Дамагчыся ўжываньня амністыі да асуджаных паводле артыкулу 328.

«Маці 328» падчас Чарнобыльскага шляху
«Маці 328» падчас Чарнобыльскага шляху

«Цяпер праблема № 1 гэта наркотыкі. 15 тысяч маладых людзей сядзяць за кратамі. 60-80% гэта не справядлівыя прысуды нашых дзяцей. Саджаюць літаральна за пыл у кішэні, за настолькі дробныя дозы. Да нашых дзяцей не ўжываюць датэрміновае вызваленьне, замену рэжыму. У мяне сын адсядзеў 5 гадоў і 7 месяцаў, была камісія на замену рэжыму. Яму сказалі, пасядзі яшчэ паўгода», — заявіла прадстаўніца «Маці 328» у эфіры Свабоды.

Маці асуджаных за распаўсюд наркотыкаў абвясьцілі пра намер пачаць бестэрміновую галадоўку

19:28 26.4.2018

Адначасова з Чарнобыльскім шляхам у Кіеўскім сквэры праходзіць дазволены мітынг КХП БНФ.

19:20 26.4.2018

19:09 26.4.2018
Удзельнікі пэрыядычна раняюць інсталяцыю рэактара Астравецкай АЭС
Удзельнікі пэрыядычна раняюць інсталяцыю рэактара Астравецкай АЭС

Загрузіць яшчэ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

XS
SM
MD
LG