Лінкі ўнівэрсальнага доступу

У Варшаве прадставілі тэхнічную справаздачу аб прычынах смаленскай авіякатастрофы


Катастрофа самалёта прэзыдэнта Польшчы ля Смаленску, 10 красавіка 2010

Старшыня падкамісіі, якая займаецца расьсьледаваньнем прычынаў смаленскай авіякатастрофы 2010 году, Антоні Мацярэвіч, абвінаваціў урад прэм’ера Дональда Туска ў халатнасьці, з прычыны якой адразу пасьля катастрофы 10 красавіка 2010 году ў Польшчы не была праведзеная прафэсійная судова-мэдычная экспэртыза парэшткаў ахвяраў падзеньня польскага Ту-154. Пра гэта паведамляе Польскае радыё для замежжа.

Былы міністар абароны Польшчы, кіраўнік падкамісіі па паўторным расьсьледаваньні прычынаў смаленскай авіякатастрофы Антоні Мацярэвіч, прадставіў у сераду ў Варшаве тэхнічную справаздачу аб прычынах гібелі 96 чалавек у выніку крушэньня польскага «борту нумар адзін» пры заходзе на пасадку на смаленскі аэрадром «Паўночны». Сярод пасажыраў рэйсу быў тагачасны прэзыдэнт Польшчы Лех Качыньскі.

На думку Мацярэвіча, прэмʼер Туск яшчэ ў верасьні 2010 года быў паінфармаваны наконт апаганеньня і замены ў Маскве целаў ахвяраў авіякатастрофы. «У верасьні 2010 году інфармацыя на гэтую тэму была перададзеная прэмʼеру Дональду Туску і галоўнаму ваеннаму пракурору. Нягледзячы на гэта, не было прынятае рашэньне аб неадкладным правядзеньні судмэдэкспэртызаў, чаго, дарэчы, дамагаліся родныя многіх ахвяраў авіякатастрофы» — заявіў Мацярэвіч.

Як сказаў Антоні Мацярэвіч, праведзеныя ў Польшчы ў апошнія два гады судмэдэкспэртызы парэшткаў ахвяраў авіякатастрофы пад Смаленскам далі шмат важнай інфармацыі, якая будзе выкарыстаная ў выніковай справаздачы падкамісіі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG