Лінкі ўнівэрсальнага доступу

Масавыя затрыманьні на плошчы Якуба Коласа ў Менску, адкуль Статкевіч зьбіраўся з шэсьцем. ФОТА, ВІДЭА


Затрыманьні на плошчы Якуба Коласа ў Менску

Праваахоўнікі затрымалі больш за 30 чалавек, якія прыйшлі на плошчу Якуба Коласа ў цэнтры Менску, дзе частка апазыцыі на чале зь Мікалаем Статкевічам зьбіраліся пачынаць шэсьце, не дазволенае ўладамі.

​Як перадае карэспандэнт Свабоды, спачатку затрымлівалі ўсіх, хто меў пры сабе бел-чырвона-белыя сьцягі, кветкі, — «для высьвятленьня асобы». Потым пачалі затрымліваць усіх, хто знаходзіўся на плошчы.

Затрымліваюць Алену Талстую
Затрымліваюць Алену Талстую

«Затрымліваюць людзей, якія мелі мужнасьць прыйсьці ў сьвята на гэтую плошчу. Яны цяпер знаходзяцца ў аўтазаказках, — паведаміла ў жывым эфіры Свабоды сустаршыня руху салідарнасьці «Разам» Алена Талстая. — Мы прыйшліі, каб пакласьці кветкі да помніка Якуба Коласу, каб быць разам у гэты дзень. Супрацоўнікі прадстаўляюцца, просяць прад’явіць пашпарт, а пасьля праводзяць у аўтазак «для высьвятленьня асобы».

Як затрымлівалі 25 сакавіка на плошчы Якуба Коласа. ВІДЭА
пачакайце

No media source currently available

0:00 0:03:30 0:00

Падчас затрыманьняў прадстаўнік міліцыі настойліва папрасіў журналістаў не «перашкаджаць працаваць супрацоўнікам міліцыі».

Паводле праваабарончага цэнту «Вясна», агулам затрымана ад 30 да 50 чалавек, у тым ліку 9 назіральнікаў «Вясны», а таксама журналісты «Белсату» Кацярына Андрэева, Сяргей Кавалёў, Ігар Ільяш, Любоў Лунёва.

Як паведаміла сустаршыня руху салідарнасьці «Разам» Алена Талстая, затрыманых на плошчы Якуба Коласа ў аўтазаках адвезьлі ў Савецкі РУУС Менска.

Лідэра Беларускага нацыянальнага кангрэсу Міколу Статкевіча затрымалі ў Менску 25 сакавіка, сьцьвярджае ў Telegram-канале «Тунеядцы Беларуси» сусед палітыка. Тэлефоны Міколы Статкевіча і ягонай жонкі Марыны Адамовіч не адказваюць. Паводле некаторых зьвестак на 12.00, Мікола Статкевіч знаходзіцца ў Ленінскім РУУС Менску.

Затрыманьні 25 сакавіка ў Беларусі. Абнаўляецца

Статкевіч быў ініцыятарам правядзеньня шэсьця 25 сакавіка ў Менску. Заяўку ягоных паплечнікаў адхілілі, шасьцёх затрымалі напярэдадні. Цяпер у Беларусі працягваюцца прэвэнтыўныя затрыманьні.

Пры гэтым канцэрт у Менску і шэраг імпрэзаў дазволеныя практычна па ўсёй Беларусі.

#БНР100 у Беларусі і сьвеце. ЖЫВЫ БЛОГ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG