Лінкі ўнівэрсальнага доступу

Камісія Дзярждумы не знайшла парушэньняў у дзеяньнях дэпутата, якога вінавацяць у дамаганьнях


Леанід Слуцкі

Камісія Дзяржаўнай думы Расеі па этыцы не знайшла «парушэньняў нормаў паводзінаў» у дзеяньнях дэпутата ад фракцыі ЛДПР Леаніда Слуцкага, а журналісткам, якія абвінавацілі яго ў дамаганьнях, прапанавала зьвярнуцца ў праваахоўныя органы. Пра гэта ў сераду заявіў кіраўнік камісіі Атары Аршба.

Аб дамаганьнях з боку Слуцкага паведамілі прадусарка тэлеканалу «Дождь» Дар’я Жук, намесьніца галоўнага рэдактара тэлеканалу RTVI Кацярына Катрыкадзэ і журналістка Бі-бі-сі Фарыда Рустамава.

У Дзярждуме ў адказ параілі журналісткам «апранацца папрыстойней», ня хадзіць ў парлямент, калі ім страшна, і нават памяняць працу. Пасьля гэтага каля Дзярждумы прайшлі акцыі як супраць Слуцкага, гэтак і ў яго падтрымку.

Сам дэпутат адмаўляе ўсе абвінавачваньні і называе іх «трызьненьнем». 8 сакавіка ў апублікаваным у Фэйсбуку віншаваньні дэпутат папрасіў прабачэньня ў жанчын, якім «калі-небудзь вольна ці міжволі прычыніў любыя перажываньні».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG