Лінкі ўнівэрсальнага доступу

У кіеўскім рэстаране затрымалі Міхэіла Саакашвілі. ВІДЭА


Саакашвілі ў судзе. Архіўнае фота.

У Кіеве затрымалі лідэра партыі «Рух новых сіл», былога прэзыдэнта Грузіі Міхэіла Саакашвілі. Відэа яго затрыманьня апублікаваў паплечнік Саакашвілі Давід Сакварэлідзэ ў Фэйсбуку.

​5 лютага суд у Кіеве адхіліў апэляцыю Саакашвілі на адмову Дзяржаўнай міграцыйнай службы даць яму палітычны прытулак ва Ўкраіне. Па словах адвакатаў, зараз яго могуць экстрадаваць у Грузію. Абарона заявіла аб намеры абскардзіць рашэньне ў Канстытуцыйным судзе.

У ліпені 2017 года прэзыдэнт Украіны прыпыніў прадастаўленьне ўкраінскага грамадзянства Міхэілу Саакашвілі. Падставай для гэтага назвалі тое, што ён нібыта паказаў недакладную інфармацыю ў заяве на атрыманьне грамадзянства, і не паведаміў аб заведзеных супраць яго крымінальных справах у Грузіі.

У верасьні мінулага году Саакашвілі зьвярнуўся ў міграцыйную службу і запытаў статус уцекача.

3 студзеня 2018 году суд у Кіеве адмовіўся прызнаваць палітыка ўцекачом або асобай, якая мае патрэбу ў дадатковай абароне пасьля пазбаўленьня грамадзянства Ўкраіны.

5 студзеня Тбіліскі гарадзкі суд прызнаў вінаватым Саакашвілі ў справе аб злосным перавышэньні паўнамоцтваў на пасадзе прэзыдэнта Грузіі і прысудзіў яго да трох гадоў турмы.

Лідэр «Руху новых сіл» лічыць, што ўкраінская ўлада наўмысна паскарае разгляд справы, каб мець фармальныя падставы для яго экстрадыцыі.

Ваша меркаваньне

Паказаць камэнтары

XS
SM
MD
LG