Лінкі ўнівэрсальнага доступу

Зэман лідзіруе на выбарах прэзыдэнта Чэхіі


Мілаш Зэман галасуе.

У другім туры выбараў прэзыдэнта Чэхіі пасьля падліку галасоў з паловы выбарчых участкаў лідзіруе дзейны прэзыдэнт Мілаш Зэман.

Паводле папярэдніх дадзеных, ён набірае каля 55 працэнтаў галасоў, яго сапернік, былы прэзыдэнт Акадэміі навук Іржы Драгаш — каля 45 адсоткаў.

Цягам падліку галасоў суадносіны, аднак, могуць зьмяніцца. Пакуль не падлічаныя галасы ў большасьці ўчасткаў у Празе, дзе большасьць выбарнікаў падтрымлівае саперніка Зэмана.

Поўныя папярэднія вынікі галасаваньня чакаюцца ў бліжэйшыя гадзіны.

У першым туры выбараў два тыдні таму Зэман атрымаў каля 39 адсоткаў галасоў, Драгаш — каля 26 адсоткаў. Аднак Іржы Драгаша падтрымала большасьць кандыдатаў у прэзыдэнты, якія ня выйшлі ў другі тур.

Зэман на працягу свайго першага пяцігадовага тэрміну неаднаразова наведваў Расею і выказваўся за адмену санкцый, уведзеных у сувязі з анэксіяй Крыма і вайной на ўсходзе Ўкраіны. Яго сапернік Драгаш лічыцца праэўрапейскім палітыкам.

Прафэсар супраць «сябра Пуціна» : у Чэхіі праходзіць другі тур выбараў прэзыдэнта
пачакайце

No media source currently available

0:00 0:02:59 0:00

Ваша меркаваньне

Паказаць камэнтары

XS
SM
MD
LG