Лінкі ўнівэрсальнага доступу

Ярмошына пра датэрміновыя прэзыдэнцкія выбары і 21 год на чале ЦВК


Лідзія Ярмошына падчас парлямэнцкіх выбараў. Верасень 2016 году.

Старшыня Цэнтрвыбаркаму Лідзія Ярмошына паведаміла ў інтэрвію газэце «Рэспубліка», што прэзыдэнцкія выбары могуць адбыцца датэрмінова — ужо ў 2019 годзе.

Паводле Ярмошынай, калі выбарчае заканадаўства ня будзе мяняцца, то пры канцы 2018-га яна зьвернецца да Аляксандра Лукашэнкі наконт тэрмінаў правядзеньня прэзыдэнцкай кампаніі — «думаю, гэта будзе нарада аб тэрмінах выбарчых кампаніяў»

«Справа ў тым, што ў 2020-м яны супадаюць, і павінна быць прынята рашэньне, якая кампанія будзе першай. Акрамя таго, у наступным годзе мы ўжо павінны закладваць пэўную суму ў бюджэт на восень 2019-га, на пачатак кампаніі», — заявіла яна ў інтэрвію.

Падчас прэзыдэнцкіх выбараў у 2015 годзе.
Падчас прэзыдэнцкіх выбараў у 2015 годзе.

Прэзыдэнцкія выбары павінны адбыцца не пазьней за 30 жніўня 2020 году, а выбары ў Палату прадстаўнікоў — не пазьней за 10 верасьня. Але Лідзія Ярмошына ня лічыць, што дзьве гэтыя кампаніі магчыма сумясьціць.

Падчас прэзыдэнцкай кампаніі 2010 году.
Падчас прэзыдэнцкай кампаніі 2010 году.

Лідзія Ярмошына кіруе Цэнтрвыбаркамам 21 год, з 1996 году.

— Сама не заўважыла, як час прайшоў. Кажуць жа, што няма нічога больш пастаяннага, чым часовае. Мяне ў свой час прызначалі толькі выканаўцам абавязкаў старшыні ЦВК. Калегі, калі праводзілі ў Мінск, сукенку мне куплялі. Мая зарплата ў Бабруйскім гарвыканкаме тады была 30 даляраў у эквіваленце. І я, разьвітваючыся, прасіла нікому не аддаваць маё месца, бо была ўпэўненая, што хутка вярнуся. Зьяжджала на месяц, а аказалася, на 21 год. Гэта зьменены лёс: калі ты так рэзка і надоўга ўсё зьмяняеш, ты зьмяняеш усё сваё жыцьцё і становісься іншай асобай. Так, я хацела ў Менск з пункту гледжаньня разьвіцьця: хадзіць па тэатрах і музэях. Але па тэатрах ня будзеш хадзіць кожны дзень. Рэдкія камандзіроўкі прыносілі мне больш задавальненьня. Я ўвогуле вельмі люблю Бабруйск і сумую па ім. На жаль, апошнія два гады бываю там досыць рэдка.

Старшыня ЦВК Лідзія Ярмошына нарадзілася ў 1953 годзе ў Слуцку ў сям’і вайскоўца. У першую клясу пайшла ў нямецкім Вэймары, па месцы службы бацькі. Але праз год, у 1961-м, бацькі вярнуліся ў Беларусь і пасяліліся ў Бабруйску. Скончыўшы школу, яна паступіла на юрыдычны факультэт Калінінградзкага дзяржаўнага ўнівэрсытэту, пасьля выпуску амаль 15 гадоў працавала юрыстам у Калінінградзе. У 1988 годзе Ярмошына вярнулася ў Бабруйск. Уладкавалася ў юрыдычны аддзел Бабруйскага райвыканкаму, да 1996 году працавала там. У сьнежні 1996 году была прызначана старшынёй ЦВК замест Віктара Ганчара. Ніводныя выбары, якія яна праводзіла, не былі прызнаныя міжнароднай супольнасьцю ані свабоднымі, ані справядлівымі.

Ваша меркаваньне

Паказаць камэнтары

XS
SM
MD
LG