Лінкі ўнівэрсальнага доступу

Менскі Чырвоны касьцёл будуць рамантаваць некалькі гадоў


Рамонт Чырвонага касьцёла ў Менску распачаўся ў кастрычніку і зойме некалькі гадоў. Пра гэта 15 сьнежня сказаў мітрапаліт Менска-Магілёўскі арцыбіскуп Тадэвуш Кандрусевіч, піша БелаПАН.

Паводле Кандрусевіча, больш як за сто гадоў існаваньня будынак амаль не рамантаваўся. У падвал працякала вада, пагражаючы размыць падмурак.

Рамонтам Чырвонага касьцёла займаецца камунальнае прадпрыемства «Менская спадчына». Тадэвуш Кандрусевіч падкрэсьліў, што гаворка вядзецца менавіта пра рамонт, а не рэканструкцыю. Гэта значыць, што прыбудова, узьведзеная ў савецкі час, і сутарэньні, зробленыя пазьней, застануцца.

Пробашч Чырвонага касьцёла айцец Уладыслаў Завальнюк сказаў Свабодзе, што цяпер вядуцца пачатковыя працы, і невядома, ці будзе касьцёл працаваць падчас рамонту.

Касьцёл Сьвятых Сымона і Алены будаваўся на працягу 1905–1910 гадоў на грошы Эдварда Вайніловіча ў памяць пра ягоных
дзяцей, якія заўчасна памерлі — Сымона і Алены Вайніловічаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG