Лінкі ўнівэрсальнага доступу

У Сэуле Трамп гаварыў пра КНДР значна мякчэй, чым раней


Прэзыдэнт ЗША Дональд Трамп

Прэзыдэнт ЗША Дональд Трамп заклікаў Паўночную Карэю ўтаймаваць свае ядзерныя амбіцыі і сесьці за стол перамоваў. Прыйшоў час дасягнуць узаемавыгадных дамоўленасьцяў, заявіў Трамп падчас візыту ў Паўднёвую Карэю.

Агенцтва Associated Press адзначае зьмены прэзыдэнцкай рыторыкі — з ваяўнічай на больш мяккую. Яшчэ зусім нядаўна Трамп пагражаў Пхэньяну «агнём і лютасьцю». У аўторак, у першы дзень візыту ў Паўднёвую Карэю, Трамп заявіў, што ў стасунках з Паўночнай Карэяй «дасягнуты значны прагрэс». Прэзыдэнт ЗША, аднак, ня даў адказу на пытаньне, ці хоча ён прамых перамоваў з КНДР.

На сераду ў праграме завяршальнага дня візыту ў Паўднёвую Карэю ў Трампа намечана выступленьне перад дэпутатамі Нацыянальнай асамблеі.

Наступным пунктам азіяцкага турнэ Трампа стане Пэкін.

Ваша меркаваньне

Паказаць камэнтары

XS
SM
MD
LG