Прэзыдэнт Трамп не наведаў Х’юстан, які апынуўся ў эпіцэнтры беспрэцэдэнтнай для гэтага рэгіёну паводкі, выкліканай бесьперапыннымі на працягу чатырох дзён ліўнямі, наступствам урагану «Гарві». Прэзыдэнт не хацеў перашкодзіць сваім зьяўленьнем працы выратавальных службаў і паліцыі, якія працягваюць апэрацыі па эвакуацыі жыхароў Х’юстана з затопленых дамоў.
У горадзе Корпус Крысты, што знаходзіцца ў пяцідзесяці кілямэтрах ад Х’юстана, ён правёў сустрэчу з жыхарамі ў памяшканьні пажарнай каманды, а пазьней сустрэўся з кіраўнікамі фэдэральных службаў і кіраўніцтвам штату, якія ажыцьцяўляюць кантроль за ходам выратавальных работ. Прэзыдэнт паведаміў, што ягоная адміністрацыя працуе сумесна з заканадаўцамі з мэтай забясьпечыць неабходнае фінансаваньне намаганьняў па аднаўленьні разбуранай інфраструктуры і дапамогі пацярпелым у выніку прыроднага бедзтва.
Паводле апошніх зьвестак, 22 чалавекі загінулі і невядомая пакуль колькасьць жыхароў штату прапала бязь вестак у выніку ўрагану «Гарві», які абрынуўся на Тэхас 25 жніўня.
