Як выявілася 14 жніўня, лідэру Беларускага народнага кангрэсу Міколу Статкевічу яшчэ 9 жніўня прысудзілі 15 сутак арышту. Як перадае праваабарончы цэнтар «Вясна», судзьдзя Юлія Кавяка завочна прысудзіла Статкевічу арышт за ўдзел у несанкцыянаванай акцыі 3 ліпеня.
Паказаньні давалі сьведкі-міліцыянты А. Казлоў і М. Рыжанкоў. Таксама стала вядома, што 5 ліпеня судзьдзя Натальля Драчова прысудзіла Статкевічу штраф 50 базавых велічыняў (1150 рублёў) за ўдзел у несанкцыянаваным мітынгу (ускладаньні кветак на Вайсковых могілках) 8 траўня.
Статкевіч пацьвердзіў Свабодзе, што асуджаны на арышт, але цяпер знаходзіцца на волі.
«Ведаеце, па-першае, гэта зьневажальна, — адказвае Статкевіч на пытаньне, пойдзе ён сам адбываць зьняволеньне ці будзе чакаць арышту. — А па-другое, яны самі выберуць момант. Калі не захочуць, то скажуць „месцаў няма“, гэта ўжо было».
Глядзець камэнтары (3)
Загрузіць больш камэнтароў