Лінкі ўнівэрсальнага доступу

У пытаньні аб тэрытарыяльнай цэласнасьці Ўкраіны на ПА АБСЭ ад Беларусі галасаваў адзін Варанецкі. Устрымаўся


Беларуская дэлегацыя не галасавала па праекце рэзалюцыі пра ўзнаўленьне тэрытарыяльнай цэласнасьці Ўкраіны на сэсіі Парлямэнцкай асабмлеі АБСЭ якая праходзіць ў Менску.

Рэзалюцыя была прынятая большасьцю галасоў. Прадстаўнікі Расеі галасавалі супраць.

Як паведамляе карэспандэнтка Радыё Свабода, ў галасаваньні ад Беларусі ўдзельнічаў толькі адзін дэлегат Валер Варанецкі, які ўстрымаўся.

У нас няма права сёння, як у краіны, якая зьяўляецца пляцоўкай перамоваў, станавіцца на чыйсьці бок.

Варанецкі гэтак пракамэнтаваў паводзіны беларускай дэлегацыі. «У нас няма права сёння, як у краіны, якая зьяўляецца пляцоўкай перамоваў, станавіцца на чыйсьці бок».

У рэзалюцыі «Ўмацаваньне ўзаемнага даверу і супрацоўніцтва ў імя міру і працьвітаньня ў рэгіёне АБСЭ», сярод іншага, прызнаецца, што «пэўныя раёны Данецкай і Луганскай абласьцей» знаходзяцца пад кантролем «расейскіх гібрыдных сіл».

Расейская дэлегацыя выступіла з пратэстам супраць гэтага праекту, прапанаваўшы выключыць з тэксту рэзалюцыі палажэньне пра «расейска-гібрыдныя войскі» на Данбасе. У прыватнасьці, прадстаўнік Расеі Пётар Талстой заявіў, што на Данбасе няма расейскіх войскаў, гэта ўнутраны канфлікт Украіны.

Аднак і дэпутатка са Швэцыі, дакладчыца Маргарэт Сэдэрфэльт, і прадстаўнікі Ўкраіны выступілі супраць, а пры галасаваньні расейская дэлегацыя засталася ў меншасьці.

Важна падтрымаць мір ва Ўкраіне, спыніць расейскую агрэсію і выканаць менскія дамоўленасьці.

«Важна падтрымаць мір ва Ўкраіне, спыніць расейскую агрэсію і выканаць менскія дамоўленасьці», — сказала Сэдэрфэльт.

У прынятай рэзалюцыі гучыць таксама заклік да Расеі «як дзяржавы, якая акупуе» Крым, забясьпечыць бесьперашкоднае перамяшчэньне місіі АБСЭ па тэрыторыі паўвострава, падтрымаць Менскі мэмарандум па ўрэгуляваньні сытуацыі на Данбасе. У дакумэнце заклікаюць Расею спыніць акупацыю Данбасу і Крыму і дэкляруюць «павагу да замацаваных у Хэльсынскім Заключным акце прынцыпаў непарушнасьці межаў і тэрытарыяльнай цэласнасьці, мірнага ўрэгуляваньня спрэчак, раўнапраўя і самавызначэньня народаў», заклікаюць Расею «ўстрымацца ад агрэсіўнай практыкі і адмяніць рашэньне аб незаконнай анэксіі Аўтаномнай Рэспублікі Крым».

Узброены канфлікт на ўсходзе Ўкраіны пачаўся вясной 2014 году пасьля расейскай анэксіі Крыму. Украіна і Захад абвінавачваюць Расею ў збройнай падтрымцы сэпаратыстаў. Крэмль адкідае гэтыя абвінавачаньні і заяўляе, што на Данбасе могуць знаходзіцца хіба што расейскія «добраахвотнікі». Па дадзеных ААН, на Данбасе ад пачатку канфлікту загінулі больш за 9,9 тысячы чалавек. Гэтаксама Масква адмаўляе незаконнасьць акупацыі ўкраінскага Крыму і называе яе «ўзьяднаньнем».

«Мы ўдзячныя за незалежную пазыцыю Беларусі» — аўтар рэзалюцыі пра ўзнаўленьне тэрытарыяльнай цэласнасьці Ўкраіны

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG