Прэмʼер-міністар Расеі Дзьмітры Мядзьведзеў заявіў, што Беларусь не атрымае фіксаванай цаны на расейскі газ.
Паводле Мядзьведзева, неабходна ўзгадніць прынцыпы вызначэньня цэн, у тым ліку валюту, у якой цана будзе выражацца.
16 чэрвеня расейскі прэмʼер правёў перамовы з прэмʼер-міністрам Беларусі Андрэем Кабяковым.
Мядзьведзеў заявіў, што «фіксаваных цэн наагул не бывае».
«Нават у Савецкім Саюзе цэны былі фіксаваныя пэўны час, потым партыя ўраду іх або падымала, або потым апускала», — сказаў Мядзьведзеў.
Андрэй Кабякоў сказаў, што Беларусь не шукае прэфэрэнцый і мінімальнай цаны на расейскі газ, але хоча мець цану, супастаўную з цэнамі ў яе партнэраў па ЭАЭС.
«Мы хочам, каб... калі будзе адзіны рынак газу, каб гэтая цана для Беларусі па газе была супастаўная нізкай цане газу нашым партнэрам», — цытуе РИА Новости Кабякова.