«Да нас такія зьвесткі не даходзяць, пратаколы складаем ня мы, а тыя, хто затрымлівае, — міліцыя. У межах тых пратаколаў і будуць працаваць. Калі ўпершыню затрымалі з халоднай зброяй, дык адміністрацыйная справа. Але гэта без пракуратуры. І нас пра гэта не інфармуюць», — сказаў прэсавы сакратар Генпракуратуры Беларусі Пётра Кісялёў.
Узяць каментар у прэсавай службы менскай міліцыі пакуль не ўдалося.
У эфіры перадачы «Контуры» на дзяржаўным тэлеканале АНТ начальнік міліцыі грамадзкай бясьпекі Менску Іван Курбакоў заявіў, што ў затрыманых у менскім тралейбусе былі нажы і кастэты.
Карэспандэнт Свабоды, які быў на шэрагу судоў над затрыманымі анархістамі, ня чуў пра знойдзеныя нажы і кастэты. Іншыя СМІ таксама не паведамлялі пра агучваньне такіх «знаходак» у час судоў.
