Лідэр Лібэральна-дэмакратычнай партыі Расеі, кіраўнік фракцыі ў Дзяржаўнай Думе Ўладзімір Жырыноўскі выступіў з крытыкай Аляксандра Лукашэнкі.
На зьезьдзе ЛДПР ён параўнаў Лукашэнку зь цялём з прымаўкі, які «дзьвюх матак сьсе».
«Беларускі кіраўнік усё, што магчыма, высмактаў з Расеі, але мы ўжо кажам: колькі ж магчыма. Што хоча Лукашэнка? Асобная дзяржава, але кошты няхай будуць унутрырасейскімі. Зь якой нагоды? Тады давайце вы будзеце часткай нашай дзяржавы. І вось сядзіць: дай Расея, дай Эўразьвяз. Як добра», — цытуе Жырыноўскага «Парламентская газета».
