Такую прапанову цяпер разглядае Міністэрства антыманапольнага рэгуляваньня і гандлю, паведаміў журналістам 29 сьнежня намесьнік начальніка пасажырскай службы БЧ Андрэй Кашко.
Ён сказаў, што тарыфы на пасажырскія перавозкі ўнутры краіны не мяняліся з 25 сьнежня 2015 году.
«Ідуць рознага кшталту абмеркаваньні, у тым ліку і пра дыфэрэнцыяваныя тарыфныя пляны, якія актыўна стасуюцца ў міжнародных перавозках. Магчыма, мы іх паспрабуем укараніць пасьля абмеркаваньня. Але міністэрства вызначае i зацьвярджае тарыфы. Яны ставяць усе процівагі, ацэньваюць эканамічную сытуацыю, і яны вызначаюць тарыфную палітыку», — цытуе БелаПАН прадстаўніка БЧ.
