Афіша:
Менск — афіцыйныя перамовы кіраўніка Беларусі Аляксандра Лукашэнкі і прэзыдэнта Турэччыны Рэджэпа Эрдагана.
Менск — лекцыя культуроляга Аляксея Крывалапа «Купляйце беларускае», альбо Што рабіць, калі заўтра не наступіць?«. Лектар прааналізуе стан сучаснай журналістыкі, узаемаадносіны СМІ і грамадзтва, уплыў «інфармацыйнага спажываньня» на беларускую ідэнтычнасьць і тыя чыньнікі, якія здольныя мяняць сытуацыю. Прастора «ЦЭХ» (вул. Кастрычніцкая, 16). Пачатак 18.30
У гісторыі:
1917 — у Віцебску выйшаў першы нумар газэты «Известия военно-революционного комитета г. Витебска» (пераемніцай стала газэта «Віцебскі рабочы»).
1918 — скончылася Першая сусьветная вайна.
1923 — Прэзыдыюм Рады БНР пераехаў з Коўна ў Прагу
1975 — Ангола атрымала незалежнасьць ад Партугаліі.
1992 — Рэспубліка Беларусь усталявала дыпляматычныя зносіны з Ватыканам.
1999 — з Аршанскай калёніі выйшаў на свабоду двойчы герой сацыялістычнай працы Васіль Старавойтаў.
2004 — Літва першай з краінаў Эўразьвязу ратыфікавала ўстаўную дамову ЭЗ
У гэты дзень нарадзіліся:
1821 — Фёдар Дастаеўскі, расейскі пісьменьнік, продкі якога паходзяць зь Беларусі.
1903 — Аляксандар Ільінскі, беларускі актор, народны артыст Беларусі.
1909 — беларускі архітэктар Георгій Заборскі, аўтар сярод іншага будынкаў Музэя Якуба Коласа і зруйнаванага нядаўна Музэю Вялікай айчыннай вайны.
1928 — Алесь Белакоз, беларускі настаўнік, краязнаўца, музэязнаўца.
1929 — Леанід Сушчэня, беларускі вучоны заоляг і біёляг.
У гэты дзень памерлі:
1975 — Пётар Савачкін, беларускі гісторык.
2004 — Ясір Арафат, кіраўнік Палестынскай аўтаноміі.
Цытата на памяць:
«Дурная прыкмета, калі не разумеюць іронію, алегорыю, жарт».
Фёдар Дастаеўскі
