Выбухі прагрымелі ў шыіцкім квартале Саіда Зэйнаб на паўднёвых ўскраінах горада.
Колькасьць ахвяраў падвойнага тэракту ў прыгарадзе Дамаска ўзрасла да 12 чалавек, дзясяткі атрымалі раненьні. Пра гэта паведамляе агенцтва Сіньхуа са спасылкай на свае крыніцы.
Тэрарыст-сьмяротнік прывёў у дзеяньне выбуховае прыстасаваньне на ўскраіне раёна. Прычынай другога выбуху стаў начынены выбухоўкай аўтамабіль.
Паводле дадзеных агенцтва Reuters, адказнасьць за выбухі ўзяла на сябе тэрарыстычная групоўка «Ісламская дзяржава».