Лінкі ўнівэрсальнага доступу

Сырыйская армія вызваліла Пальміру ад баевікоў «Ісламскай дзяржавы»


У Сырыі ўрадавыя войскі цалкам вызвалілі гістарычны горад Пальміра ад баевікоў экстрэмісцкай групоўкі «Ісламская дзяржава», якая забароненая ў Расеі і шэрагу іншых краін.

Пра гэта паведамляюць дзяржаўныя мэдыя і праваабаронцы.

Сёньня сырыйскае тэлебачаньне аб’явіла, што войска і атрады народнага апалчэньня цалкам кантралюе Пальміру.

Цэнтр па назіраньні за правамі чалавека ў Сырыі, які базуецца ў Вялікабрытаніі паведамляе, што сёньня раніцай ва ўсходніх частках горада ўсё яшчэ былі чуваць стрэлы, аднак большасьць баевікоў «Ісламскай дзяржавы» адступілі на ўсход.

Баявікі занялі Пальміру ў траўні мінулага года, зьнішчыўшы некалькі помнікаў антычнай культуры, што кіраўніцтва ЮНЕСКА назвала трагедыяй для ўсяго чалавецтва.

У апошнія месяцы сырыйскія ўрадавыя сілы пры падтрымцы расейскай авіяцыі нанесьлі сур’ёзнае паражэньне групоўцы «Ісламская дзяржава» і апазыцыйнымі паўстанцкімі групоўкамі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG