Свабода пісала, як пасьля ледзянога дажджу ў Асіповіцкім раёне чатыры дні без электрычнасьці заставаліся прынамсі пяць вёсак. У іх аднавілі электрычнасьць толькі празь дзень пасьля публікацыі рэпартажу.
«Мы ўжо згубілі надзею і паехалі ў горад, каб падзарадзіць прынамсі тэлефоны, — расказалі Свабодзе ў Дубралёва. — Потым прыехалі электрыкі са Шклоўскага раёну ды адрамантавалі ЛЭП. Вось з 21-й гадзіны ўжо маем сьвятло».
Паводле інфармацыі МНС, у нядзелю заставаліся прынамсі два населеныя пункты, дзе электрычнасьць не была адноўленая.
