Лінкі ўнівэрсальнага доступу

Колькасьць паселішчаў, адключаных з-за сьнегападу ад электрычнасьці, дасягнула 650


Міністэрства па надзвычайных сытуацыях паведамляе, што цягам дня працягваецца адключэньне электрычнасьці ў населеных пунктах краіны.

Да гадзіны дня колькасьць пацярпелых паселішчаў, якія застаюцца безь сьвятла, дасягнула 651. Пераважна яны на тэрыторыі Берасьцейскай, Гомельскай, Менскай і Магілёўскай абласьцей.

Рамонтныя службы «Белэнэрга» аднавілі падачу сьвятла ў 100 паселішчах, дзе колькасьць жыхароў не перавышае 50 чалавек. Аднаўленчыя працы працягваюцца з ускладненьнямі: шляхі пад’езду да лініяў электраперадач пазаносіла сьнегам, на дарогах галалёдзіца, сьнежнае покрыва ўсё вышэйшае, а лёд на правадах даходзіць да 5–6 сантымэтраў у таўшчыню.

Паводле паведамленьняў Дзяржаўтаінспэкцыі, колькасьць дарожных аварыяў за час панаваньня цыклёну «Даніэла» павялічылася ўдвая. Людзкіх ахвяраў не было, але аўтаўладальнікі панесьлі матэрыяльныя страты.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG