Пра гэта пішуць «Известия» са спасылкай на кіраўніка камітэту Сяргея Гаўрылава.
Паводле яго, былы ўкраінскі чыноўнік будзе аказваць экспэртную дапамогу пры распрацоўцы законаў, накіраваных на абарону расейскіх інвэстыцый, і садзейнічаць вяртаньню незаконна выведзеных з Расеі капіталаў.
«Прэзыдэнт Расеі Ўладзімер Пуцін у сваім пасланьні адзначыў неабходнасьць узмацненьня прававой абароны расейскіх капіталаўкладаньняў і ўласнасьці за мяжой, — заявіў „Известиям“ Сяргей Гаўрылаў. — У рамках дзейнасьці экспэртнай рады камітэту працу над адпаведнымі заканадаўчымі ініцыятывамі прапанавана даручыць Віталю Захарчанку, які ў цяперашні час вядзе актыўную дзейнасьць у дзяржкарпарацыі „Ростех“».
У студзені экс-міністар прэзэнтаваў у Севастопалі дабрачынны фонд «Паўднёвы Ўсход». Сам ён заняў у ім пасаду прэзыдэнта. Паводле яго, фонд будзе займацца дапамогай былым праваахоўнікам, якія пацярпелі падчас Эўрамайдану ў Кіеве. Тады ж Захарчанка паведаміў, што ня мае ў Расеі палітычных амбіцый і мае намер сканцэнтравацца на дабрачыннасьці.
Віталь Захарчанка ўзначальваў МУС Украіны з 2011 па 2014 год. Пасьля рэвалюцыі ён зьбег у Расею і там атрымаў расейскае грамадзянства. Ва Ўкраіне Захарчанка абвешчаны ў вышук у якасьці падазраванага ў расстрэлах дэманстрантаў на Майдане.
