Лінкі ўнівэрсальнага доступу

Шэсьце ў Курапаты. Жывы рэпартаж

3 лістапада ў Менску адбыліся традыцыйныя шэсьце ў Курапаты і мітынг. Акцыю ладзіла Кансэрватыўна-Хрысьціянская партыя БНФ.

09:01 3.11.2013
Прыкладны плян:

10.30 — збор удзельнікаў ля будынку гадзіньнікавага заводу «Луч»
11.00-14.30 — шэсьце ў Курапаты
14.30 — пачатак мітынгу
09:08 3.11.2013
Надвор'е ў Менску: +10, імжа. Днём абяцаюць да +12.
09:11 3.11.2013
Сёлета шэсьце адбудзецца ў 25-ты раз.

Упершыню Дзяды ў Курапатах адзначалі 30 кастрычніка 1988 году.



Курапаты


Курапаты — урочышча пад Менскам, дзе ў 1937–1941 гадах карнікі НКВД расстралялі, паводле розных падлікаў, ад 40 да 200 тысяч чалавек.

У красавіку — траўні 1988 году ў лясным масіве Курапаты былі знойдзены астанкі людзей, гэтыя факты хутка сталі шырока вядомыя, дзякуючы дзейнасьці Зянона Пазьняка і грамадзкай арганізацыі «Мартыралёг Беларусі».

У чэрвені 1988 году створана ўрадавая камісія, і пракуратурай БССР узбуджана крымінальная справа па выяўленых фактах.

У працэсе расьследаваньня, як пацьверджана ў інфармацыйным паведамленьні Генэральнай пракуратуры Рэспублікі Беларусь у чэрвені 1996 году, устаноўлена, што тут з 1937 па 1941 супрацоўнікі НКУС БССР расстрэльвалі рэпрэсаваных жыхароў рэспублікі.

Пры аглядзе ляснога масіву выяўлена, што на тэрыторыі каля 30 га разьмешчана 510 пахаваньняў, з якіх у часе эксгумацыі праверана 8 і ў 6 з іх знойдзены шкілетныя астанкі людзей, адзеньне і іншыя асабістыя рэчы загінуўшых.

Ва ўшанаваньне памяці ахвяр пастаўлены крыжы, іншыя мэмарыяльныя знакі, шчыты з надпісамі.

У Курапатах неаднойчы зьдзяйсьняліся факты вандалізму.
09:15 3.11.2013
На месцы збору ўдзельнікаў шэсьця зьявіліся першыя людзі ў цывільным — некалькі маладых хлопцаў спартовага целаскладу. Міліцыянтаў у форме пакуль няма.
09:18 3.11.2013
На пляцоўку перад заводам «Луч» прыехала машына сапёрна-пэратыхнічнай службы. Людзі ў камуфляжнай форме пачынаюць аглядаць мясковасьць.

09:25 3.11.2013
Дзяды розных гадоў
09:32 3.11.2013
Зьявіліся міліцыянты ў форме. Аднак сапёры камунікуюць толькі зь людзьмі ў цывільным.
09:36 3.11.2013
2 лістапада Дзяды адбыліся ў некаторых рэгіёнах Беларусі і па-за межамі краіны:


29 кастрычніка ў Менску адбыўся Жалобны маратон. Міліцыя на некаторы час затрымала ўдзельнікаў акцыі.

Таксама глядзіце: Дзень памяці ў Беларусі вачыма карэспандэнта Reuters
09:48 3.11.2013
Людзі ў цывільным некуды зьніклі. Сапёры таксама зьехалі. На месца збору ўдзельнікаў мітынгу зьявіліся ажно чатыры машыны ДАІ і эвакуатар. Яны будуць прыбіраць машыны, прыпаркаваныя на пляцоўцы.
09:52 3.11.2013
З нагоды Дзядоў Радыё Свабода запускае праект «Беларускі нацыянальны нэкропаль»

10:04 3.11.2013
ДАІ зачысьціла пляцоўку ад машынаў. Людзей у цывільным прыкметна паболела: яны дзяжураць у тым ліку і на супрацьлеглым баку праспэкту Незалежнасьці.
10:14 3.11.2013
Мапа шэсьця

10:19 3.11.2013
На месцы збору — прыкладна дзесяць чалавек патэнцыйных ўдзельнікаў. Зьявіўся першы бел-чырвона-белы сьцяг.
10:20 3.11.2013
Сьцягоў ужо тры
10:33 3.11.2013
На месцы збору каля гадзіньнікавага заводу каля чатырох дзясяткаў удзельнікаў. Моладзь прынесла бел-чырвона-белыя сьцягі. Супрацоўнікі ў цывільным, якія знаходзяцца па пэрымэтры месца збору, фільмуюць ўдзельнікаў.
10:39 3.11.2013
Машыны міліцыі на бульвары Талбухіна
Машыны міліцыі на бульвары Талбухіна
10:39 3.11.2013
Сьцягоў ужо больш за 10. Прынесьлі 4 драўляныя крыжы, якія ўсталююць ва ўрочышчы Курапаты. Да ўдзельнікаў далучыліся лідэр «Маладога фронту» Зьміцер Дашкевіч, лідэру Партыі БНФ Аляксей Янукевіч і Рыгор Кастусёў, намесьнік кіраўніка руху «За свабоду» Юры Губарэвіч.
10:40 3.11.2013
Адзін з удзельнікаў сёньняшняй акцыі
Адзін з удзельнікаў сёньняшняй акцыі
10:40 3.11.2013
На месцы збору ўжо больш за 100 ўдзельнікаў.
10:46 3.11.2013
Сярод удзельнікаў — намесьнік старшыні Кансэрватыўна-Хрысьціянскай партыі-БНФ Юры Беленькі, адказны сакратар партыі Валер Буйвал.

Загрузіць яшчэ

XS
SM
MD
LG