Старшыня Партыі БНФ Аляксей Янукевіч праінфармаваў сябраў Сойму аб рэакцыі іншых апазыцыйных структураў на прапанову падпісаньня “Маніфэсту аб абароне нацыянальных інтарэсаў”. У зьвязку з дыскусіяй вакол прапановы аб’яднаньня нацыянальна-дэмакратычных сілаў на грунце нацыянальных інтарэсаў кандыдат у прэзыдэнты ад Партыі БНФ Рыгор Кастусёў заявіў пра гатоўнасьць да шчырай дыскусіі.
"Я гатовы адстойваць палажэньні “Маніфэсту аб абароне нацыянальных інтарэсаў”, гатовы да шчырай дыскусіі па праблеме бягучага расейскага ўплыву на палітычныя працэсы ў Беларусі. Крэмль цісьне цяпер на Лукашэнку, і гэта для нас вельмі добра, таму што такім чынам большая частка насельніцтва даведваецца пра злачынствы рэжыму. Але адначасова і ў дачыненьні да беларускай апазыцыі Крамлём вядзецца свая стратэгія – больш тонкая, больш прыхаваная палітыка прасоўваньня крамлёўскіх інтарэсаў. І калі мы гэтую праблему адкрыта абмяркуем – шмат што ў сёньняшняй палітычнай сытуацыі праясьніцца."
Рыгор Кастусёў лічыць, што "выкарыстаньне расейскага рэсурсу не дапаможа зьвергнуць дыктатуру".
"Наадварот, яно пагражае пераўтварэньнем дыктатуры ў адкрыта марыянеткавы рэжым, а магчыма і ў рэжым акупацыі."
На думку кандыдата ў прэзыдэнты ад партыі БНФ, "выкарыстаньне расейскай падтрымкі ў будучай прэзыдэнцкай кампаніі ўносіць раскол у шэрагі дэмакратычных сілаў".
Рыгор Кастусёў гатовы правесьці прапанаваныя дэбаты ў памяшканьні Партыі БНФ альбо ў іншым прыдатным памяшканьні ў зручны для бакоў час і ў прысутнасьці сродкаў масавай інфармацыі.
Крэмль цісьне цяпер на Лукашэнку, і гэта для нас вельмі добра...
"Я гатовы адстойваць палажэньні “Маніфэсту аб абароне нацыянальных інтарэсаў”, гатовы да шчырай дыскусіі па праблеме бягучага расейскага ўплыву на палітычныя працэсы ў Беларусі. Крэмль цісьне цяпер на Лукашэнку, і гэта для нас вельмі добра, таму што такім чынам большая частка насельніцтва даведваецца пра злачынствы рэжыму. Але адначасова і ў дачыненьні да беларускай апазыцыі Крамлём вядзецца свая стратэгія – больш тонкая, больш прыхаваная палітыка прасоўваньня крамлёўскіх інтарэсаў. І калі мы гэтую праблему адкрыта абмяркуем – шмат што ў сёньняшняй палітычнай сытуацыі праясьніцца."
Рыгор Кастусёў лічыць, што "выкарыстаньне расейскага рэсурсу не дапаможа зьвергнуць дыктатуру".
"Наадварот, яно пагражае пераўтварэньнем дыктатуры ў адкрыта марыянеткавы рэжым, а магчыма і ў рэжым акупацыі."
На думку кандыдата ў прэзыдэнты ад партыі БНФ, "выкарыстаньне расейскай падтрымкі ў будучай прэзыдэнцкай кампаніі ўносіць раскол у шэрагі дэмакратычных сілаў".
Рыгор Кастусёў гатовы правесьці прапанаваныя дэбаты ў памяшканьні Партыі БНФ альбо ў іншым прыдатным памяшканьні ў зручны для бакоў час і ў прысутнасьці сродкаў масавай інфармацыі.
