Пакуль жа гэтыя функцыі ў тэхнічным парадку выконвае Расея. Яна пераняла старшынства ад Армэніі пасьля таго як Аляксандар Лукашэнка 14 чэрвеня, у пік малочнай вайны, праігнараваў маскоўскі саміт АДКБ. Беларускі бок тады таксама назваў рашэньні саміту нелегітымнымі.
МЗС Расеі сёньня выступіў з заявай, у якой настойвае на легітымнасьці дакумэнтаў, падпісаных у часе саміту без удзелу Беларусі, і ў прыватнасьці наконт стварэньня Калектыўных сіл апэратыўнага рэагаваньня АДКБ. Расея не зьбіраецца адкладваць выкананьне гэтай дамовы, заявіў Андрэй Несьцярэнка.
