Лінкі ўнівэрсальнага доступу

"Беларускія ВНУ засталіся на савецкім узроўні"


Адлічаны летась за палітычную актыўнасьць з IV курсу Акадэміі кіраваньня пры прэзыдэнту Юрась Алейнік цяпер вучыцца на бюджэтнай аснове ў дзяржаўным унівэрсытэце “Вышэйшая школа эканомікі” ў Маскве.

Пры тым, што платныя факультэты ў такіх ВНУ ў некалькі разоў перавышаюць коштам беларускія, мой суразмоўца акцэнтуе ўвагу на галоўным моманце: дыплёмы той самай Вышэйшай школы эканомікі маюць высокую каціроўку ў Эўропе, тады як беларускія — выключна для ўнутранага карыстаньня і не прызнаюцца нават у Расеі. Беларускія ВНУ “закансэрваваліся” яшчэ на савецкім узроўні, ня маючы якаснага навуковага разьвіцьця:

“Калі я паступаў у Вышэйшую школу эканомікі (а гэта, трэба адзначыць, адна з найбольш элітных ВНУ Расеі, дыплём якой прызнаецца ўва ўсім сьвеце), для мяне ўвогуле было дзіва, што там існуюць бюджэтныя месцы. А яшчэ большай нечаканасьцю — колькі гэтых месцаў. Калі я прыехаў, то думаў, што там толькі платнае навучаньне. А высьветлілася, што прапорцыі дзесьці 60/40, прычым на карысьць бюджэтных месцаў.

Мне цяжка казаць за ўсю Расею, але ў Маскве гэта ўжо ўстановы, якія нагадваюць заходнія ўнівэрсытэты. А тое, што ў Беларусі падвышаюцца цэны, гэта мне вельмі знаёма. Калі я вучыўся чатыры гады ў Акадэміі кіраваньня, былі часы, што мае аднагрупнікі за год пяць разоў перапісвалі дадаткі да дамоваў, бо 4—5 разоў на год падвышаўся кошт навучаньня. Пачыналі першы курс з 970 даляраў, на сёньняшні дзень гэта штосьці каля 1500 даляраў. Самі бачыце, што лічба павялічылася вельмі істотна”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG